Shillong, Jylliew 25: Ka jingshah hikai kaba 2 sngi la pynlong na ka bynta ki Local Resource Persons bad Cluster Coordinator cum Field Inspector ha kaba ïa kane ka prokram ai jinghikai la pynlong ha Hall jong ka District and Local Research Station bad Laboratory, East Khasi Hills da ka Clover Organic Pvt. Ltd. ha ka jingïatreilang bad ka District Horticulture Office, East Khasi Hills.
Ka jingthmu jong kane ka jingai jinghikai ka long ban pynsngewthuh bad ai ka jinghikai ha kaba ïadei bad ka organic farming bad ban pyntreikam ïa ka Mission Organic Value Chain Development Phase IV bad Meghalaya State Organic Mission 2.0. Ka jingthmu kaba kongsan halor kane ka long ha ki artylli ki scheme bad kaba don ruh ka jingïadei ban kyntiew ïa ka kam rep katkum ka juk saïan, ka ban pynsuk hapdeng ki nongrep bad ki nongkhaïi ban shalan ïa ki marrep, ka ban long ka jingmyntoi kaba kham bha ïa ki nongrep.
Ki nongkren ki long na ka Agricultural Technology Management Agency (ATMA), u Krishi Vigyan Kendra (KVK), East Khasi Hills bad Cooperation Department ha kaba ka la don ka jingbatai kaba shai halor ka Formation bad operation jong ka Cooperative Society, bad kiwei kiwei.
