Ai dorkhas ka HITO ha u CEM ka JHADC, halor ka Kharkhana Dewbilat thymmai bad ka Lynti Rel

0

Jowai, Nailar 07: Ka Hynñiewtrep Integrated Territorial Organization (HITO) East bad West Jaiñtia Hills District hapoh ka jingïalam u President u Deibormi Rymbai bad u General Secretary ka West Jaiñtia Hills mynta ka Sngi ki la leit ai daka Dorkhas haka u Chief Executive Member (CEM) ka Jaiñtia Hills Autonomous District Council ma Thombor Shiwat hadein bala ïoh jingujor naki paidbah ka thaiñ East Jaiñtia ba la wan ki company Dewbilat thymmai kiba la tip kyrteng kum ka MegaBond Cement kaba la pynkteh ïaka jingtei ïaka kharkhana haka shnong Wahiajer Elaka Narpuh East Jaiñtia Hills District.
Haka jingïakynduh bad u CEM ka JHADC u ma Thombor Shiwat ula kubur baka don ka Company kaba thymmai kaba la wan mih sha ka JHADC ban pan NOC hynrei naka liang jong ka council kala kyntait bad kala bthah ba Kan pynbiang shwa ïa baroh ki jingdon kam bad ki kot ki sla bad hadein yn sa bishar bad yn rai la yn pdiang ne kyntait ïaka jingpan jong katei ka company bad haduh mynta ka JHADC kam shem la ai NOC ne kino kino ki dulir ha kaba ïadei bad ki Kharkhana dewbilat ba wan Thymmai ha Ri-Lum Jaiñtia.
Hakaba ïadei bad ka jingthmu ka sorkar pdeng bad ka sorkar jylla ban pynpoi lynti rel haduh East Jaiñtia Hills District naka liang u CEM Ula ong ba kumba ka long mynta ka JHADC hi kan nym pdiang ïaka lynti rel bad kala don ka committee kaba khmih ïakane ka kam bad naka liang ka Council hi kam pat don kano kano ka jingïakren hakaba ïadei bad ka lynti Rel bad naka Liang u CEM ula kren shai ka Council kan nym lah ban pdiang ïaka lynti rel kumba ka long mynta.
Naka Liang ka seng ka la dawa ba ïaki Kharkhana Dewbilat kiba thymmai ym dei ban shu ai NOC pathar khlem da bishar bniah ïaki dulir kiba biang bad naka Liang ka seng kala buh jingkylli iaka sorkar kumno ka sorkar jylla ka ai jinhbit iaka MegaBond Cement ban sdang ïaka jingtei jong ka khlem pat ïoh NOC naka JHADC namar katkum ki kyndon bala da ka single window agency kino kino ki company kiba wan seng Kharkhana haka jylla ki dei ban ïoh shwa ïaka NOC naka shnong na u Elaka naka District Council bad sa apply ïaka Single window clearance hynrei ha kane ka sorkar kaba mynta ka long mar khongpong ba ki Company kiba wan pan NOC naki shnong naka Elaka naka District Council kila oh lypa ïaka single window clearance ka long thik kum kito ki khynnah kiba leit ïaleh exam bala ïoh lypa ia ki jingkylli ha kti bad kane ka jingleh jong ka sorkar jylla ka pyntrion bad kheiñpoh ïaki bor shynshar naduh ki Shnong ki Elaka bad khamtam ïaka District Council kaba dei ka bor ba dei peit iaka khyndew ka shyiap ka riti k dustur bad ka jaka thaw ain ban iada bad pynneh pynsah ïaka jinglongtrai mantrai ki pait ka bru u Hynniewtrep.
Ha kaba ïadei bad ka lynti Rel ka seng kala dawa naka JHADC kam dei ban ai jingbit bad NOC da lei lei ruh kat bym pat lah ban pyntrei kam ïaki aiñ ban ïada bad tehlakam ïaka jingrung jingmih ki briew ba nabar ka jylla bad khamtam lada ka sorkar kan ïaid shakhmat ban pynpoi ïaka lynti rel kan long ka jingïam briew haka jylla namar haka khasi Jaiñtia ki don shibun ki paradoh parasnam jong ngi kiba im ja nakaba kamai daki truck kiba kit iaki mar ba har rukom bad kane ka jingthmu ka sorkar kala long kum ban pynduh pyndam noh ïaka jingkamai jongki.
Shuh shuh ka seng kala kyntu ruh ïaki seng jong ki trai kali ban ïatreilang ha kane ka bynta ban khanglad ïa ka jingthmu ka sorkar ban pynpoi ïaka lynti rel sha ka bri u Hynñiewtrep la pynkut ka kyrwoh na ka seng.

Leave A Reply

Your email address will not be published.