Ryngkat ka jingphuh jingphieng la rakhe ïa ka 77th Republic Day 2026 ha South West Khasi Hills District

Mawkyrwat, K’ Lyngkot 27: Ïa ka 77th Republic Day la rakhe ha South West Khasi Hills District ha ka rukom kaba i phuh jing-i-phieng bad kaba jingïaid beit. Ha kane ka sngi, u Bah Renikton Lyngdoh Tongkhar, MLA ka Mawkyrwat Constituency, u la shim ïa ka bynta ban pynher ïa ka lama ri bad u la shim ruh ïa ka salute ha ki jingïaid March Past ba la pyni ïa ka jingïatylli kaba kynthup ïa ki Police (Armed), ka NCC jong ka Sngap Syiem College, Mawkyrwat bad 8 tylli ki skul.
Ïa kane ka jingïalang paidbah la pynlong ha Nativity Higher Secondary School Playground, Mawkyrwat.
Kiwei pat ki bynta ba kongsan jong kane ka sngi ki long ka jingïaid ki 12 tylli ki Tableau na ki tnat treikam bapher bapher jong ka district, ki jingshad, ki jingrwai bad ki drama lyngkot.
Ha ka jingïaid March Past, ka Balang Mawlangwir Girls’ Secondary School, Mawlangwir ka la jop ha ka kyrdan ba nyngkong, bud pat sa ka Nativity Higher Secondary School, Mawkyrwat ha ka kyrdan ba ar bad ka Jingiaseng Kynthei Mawkyrwat Presbytery Higher Secondary School, Mawkyrwat ka la ïoh ha ka kyrdan ba lai.
Ha ka Tableau Presentation, ka ophis jong u Superintendent of Police, South West Khasi Hills District ka la rah ïa ka jingïajop, bud pat sa ka Fisheries Department ha ka kyrdan ba ar bad ka DRDA Department ha ka kyrdan ba lai.
Ha Ranikor Sub-Division: Ha Ranikor Sub-Division, u bah Pius Marweiñ, MLA ka Ranikor Constituency, u la pynher ïa ka lama ri (Tri Colour) bad u la shim ïa ka Rashtriya Salute na ki jingïaid March Past jong ki 5 tylli ki skul bad ki Police, ha ka jingïalang paidbah kaba la pynlong ha Nolikata Playground.
Ki program kyrpang ha kane ka sngi ki long ki jingïalehkai ïa ki khynnah, bad ka Cultural Programmes ha kaba ka Jakjilma VO Khangkhlak ka la jop ha ka kyrdan ba nyngkong, ka Iuhchrilung VO, Kensohsan ha ka kyrdan ba ar bad ka Shat Jingshai VO, Thiepdiengngan ha ka kyrdan ba lai.
Ha ka March Past, ka Indira Gandhi Memorial Secondary School, Rangasora ka la long ka nongjop bud sa ka St. Clater Secondary School, Munai ha ka kyrdan ba lai St. Thomas RCLP School, Pamdaba ha ka kyrdan ba lai. Nangta, la sam ruh ïa ka khusnam best Parade Commander sha u Dreef D. Shira jong ka Nolikata Upper Primary School, Nolikata bad best Discipline sha ka Nolikata Higher Secondary School.
Ki nongjop ha ka Tableau Presentation, ki long ka Horticulture Department ha ka kyrdan ba nyngkong, ka PHE Ranikor Sub – Division ha ka kyrdan ba ar, bad ka Nonghyllam Police Station ha ka kyrdan ba lai.