Mawkyrwat: Kawei na ki samla ba ju ialehkai badminton, kata ka samla Deidaphi Marpna mynta ka kynti ka la shah jied ban leit ïa shimbynta ha ka lympung ïalehkai badminton jong ka Under-19 National School Games 2026 ka ban sa long ha Nongbah Delhi ha ka 30 tarik u Kyllalyngkot, 2026.
Kumta, na ka liang ka South West Hills District Badminton Association hapoh ka jingialam jong u bah HS Diengdoh uba dei u President ki la ïoh ban pynlong ka jingïalang ban ai mynsiem ryngkat ka jingïanoh synñiang ba khyndiat eh jong ki para dkhot ka Association.
Na ka liang ka Synjuk ki ai ruh ka jingkitbok ba kane ka samla kan lah ban ïalehkai bha bad wanrah ia ka nam bad ka burom jong ka thaiñ bad jong ka jylla hi baroh kawei.
