Shillong, K’ Lyngkot 23: Ki pulit ki la ïathuh ba ha ka 21 tarik mynta u bnai, uwei u briew uba kyrteng u Shalanstar Kharumnuid u la pyntip ba uwei uba kyrteng u Testbor Thabah u la thied ïa ka kali Mahindra Bolero jong u kaba don u nombar ML-05AF-7047 ha ka dor T. 5.55 lak. Hynrei ka cheque kaba ai da u Bah Testbor Thabah ka la phai biang na ka daw jong ka jingbym biang ka pisa. Kham hadien utei uba ujor u la sngewthuh ba u la shah thok.
