Shillong, K’ Lyngkot 18: Ka Hynñiewtrep Youth Council (HYC) ka la pynpaw ïa ka jingsngewsih kaba naduh mynsiem bad ka pynpaw ka jingsngewlem halor ka jingkhlad noh u Rev. Dr. R.R. Cunville, u nongïalam niam ba don burom, u nonghikai bad u shakri jong U Blei uba ha ka jingim ula aiti ha ka jingngeit, ka jingleh isynei bad ka jingshakri ïa ka longbriew manbriew.
Lyngba ka kyrwoh khubor, ka HYC ka la ong ba ki jingnoh synniang u Dr. Cunville sha ka kam mynsiem bad sha ka imlang sahlang yn kynmaw da ka burom kaba khraw. Ki kyntien jong ki jingshemphang, ki jinglong sngewrit bad ka jingaiti sha ki jingai ba kordor ka Balang Khristan ki la ktah ïa ki jingim jong ki bym lah shuh ban ñiew bad ki ban ïaibteng ban ai mynsiem ïa ki pateng ban wan.
Ka HYC ka pynpaw ïa ki jingsngew myllung bad sngew synei ïa ka ïing ka sem kaba mad ïa kane ka jingjia, nangta ïa ka Balang bad sha baroh kito kiba ïam lang halor kane ka jingduh kaba khraw. “Ngi duwai ba U Blei najrong na tbian un ai ka jingjah thait ïa ka mynsiem ba la khlad noh jong i bad un ai ka bor, ka jingpyntngen bad ka jingsuk sha ka ïing ka sem bad kiba ieid ba thoiñ ha kum kane ka por ba mad jingeh,” ong ka kyrwoh na ka HYC.
