Kurup ka tnad Forest ïa ki kali bad ki mashin kiba pyndonkam beain ha par maw, Rajabala

SHILLONG, K’Lyngkot 16: Ka tnad Forest jong ka West Garo Hills Divisional Forest Officer ka la ioh ban kurup ïa ki mashin bad ki tiar kiba pyndonkam ban tih maw beain ha Rajabala bad ki jaka ba marjan.
U wei u heh ophisar jong ka tnad khlaw, u la ïathuh ha ka sngi Balang ba ka tnad ka la pynjur ïa ka jingkhynra ïa ki jaka tih maw bad ki jaka shna nar be-aiñ ha West Garo Hills.
Kane ka jingleh ka long hadien ka jingkhlad noh jong u dkhot jong ka ACHICK u Dilseng Sangma hadien ba ma u bad kiwei kiwei ki dkhot jong kane ka kynhun ki la shah thombor ha ka kynhun kiba donkti ban tih maw beain.
Ki kyndon ain ki la sdang pyrshah ïa kine nongleh beain kat kum ki kyndon ba ïadei bad ka Meghalaya Minor Mineral Concession Rules (MMMCR) 2016, la ong u heh ophisar sorkar.
Ka tnad ka la kurup ruh ïa ki kali kiba pyndonkam ha katei ka kam beain.
Ïa kane ka jingkhynra la pynlong ryngkat ka jingïatreilang bad ki bor pynïaid district bad ki bor pulit, da kaba thmu ïa baroh ki par mawshun kiba trei kam beaiñ bad kiba pynkheiñ ïa ka Meghalaya Minor Mineral Concession Rules, 2016.
Ki tnad ki la pynlong ïa ki jingkhynra naduh ka 8 tarik u Kyllalyngkot, Ki nongtrei ki don ha ki kam ban khang ïa kane ka jingtih maw beain ha Pipulbari, Tangaon bad Rajabala.
Kine ki jaka la pyntip ba la tih khlem jingbit ïa ki marpoh khyndew kiba rit.Wat hapdeng ka jingeh jong ka jingduna bor briew, ki nongtrei ki la bat ïa ka jinglong kaba ïai neh bad kaba husiar, la bynrap biang une u heh sorkar.
U Ophisar jong ka West Garo Hills Divisional Forest u la ban jur ruh ba ki minor minerals ne ki marpoh khyndew kiba rit kidei ka jingdonkam na ka bynta ban shna ïa ki tang na ki par mawshun bad crusher maw kiba long katkum ka aiñ, bad la khang pyrshah ïa ki nongpynïaid beaiñ.