Shillong, K’Lyngkot 16: Na ka jingpluh ïing haka compound jong ka Geonka ha Anjelee na ka liang ki bor pynïaid district kila pynbiang shi por ïa ka jaka sah shipor na ka bynta kine ki lanot pluh ïing kaba la kot haduh ar spah tylli ki long ïing.
Kawei na ki jaka ba la pynbeit na ka liang ki bor pynïaid ki bor district kadei ka gu-dwara ha kaba la sakhi ruh ba kila pynbiang ïa ka bam ka dih na ka bynta kine ki lanot.
Ha kane ka jingjia na ka liang u Superintendent of Police (SP) u Bah Vivek Syiem ka East Khasi Hills u la wan ha kane ka jaka ba pluh ïing ha compound jong ka Geonka kaba don mar pyrshah jong ka parking lot ka stand Mawkyrwat.
Na ka liang u Bah Vivek u la pyntip ba ha karne ka jingjia ym shym la don kano kano ka jingjia ba sngew sih la ka long ha kaba iadei bad ka jingmynsaw ne ka jingïap briew na kane ka jingjia pluh ïing.
