Nongstoiñ, K’lyngkot 15: Ka Deputy Commissioner, Eastern West Khasi Hills District Mairang, ka la pyntip sha baroh ki nongshong shnong jong ka district, ba ka sorkar India ka la pyllait ïa ka Free LPG Connection na ka bynta baroh ki longïing kiba hap ha ka thup jong ka BPL, hapoh jong ka scheme Pradhan Mantri Ujjwala Yojana 3.0 (PMUY 3.0). bad ki nong aplai ki dei ban long tang ki longkmie.
Kito kiba dei hok shisha ban ïoh ïa kane ka scheme, ki lah ban aplai na ka Frontier Indane Gramin Vitrak Gas Agency Mairang, da kaba pynbiang ïa ki kot jingdonkam kum ka photo copy jong ka ration card (AAY/PHH/Non-NFSA), Job card, Aadhaar card, Bank Passbook, ar tylli ki dur passport, Certificate na u Sordar Shnong, Phone Number. Ka photo copy jong ka Aadhaar card bad Job card jong ki nong aplai ka dei ban long kiba la kot 18 snem ka rta.
