Shillong, Kyllalyngkot 15 : U Myntri Rangbah ka Jylla Conrad K Sangma ula pynba ba ki kam ki jam ban thaw ïa ka One North East Front kila ïaid shakhmat, da ka jingïaid shakhmat ki jingïakren bad ki nongïalam jong ki seng saiñ pyrthei bapher bapher kiba dei na ka thaiñ Shatei Lam Mihngi.
“Kumta, ngi dang ïa syllok bad ïakren ïa bun na ki nongïalam jong ngi….kiba bun ki briew kila shim ba ka dei ka lynti kaba biang bha” ong u Conrad haba ïakren bad ki nongthoh khubor ha ka sngi Palei.
U Conrad ula ban jur ba ka thong ka long ka jingthrang dik dik bad kaba bun ki jingeh, hynrei ka party ka la trei shitom ban pynurlong ïa ka.
“Ka dei kaei kaei kaba ngi kwah har har ban ïeng tylli lang bad bun ki seng saiñ pyrthei kila pyrshang ban pynïaid shakhmat ha kane ka bynta bad kam dei ka kam kaba suk” ula bynrap.
Haba kylli ïa ka jingbuhpor, u Conrad ula ong “Kam long kum ka jingbuh mawnongrim na ka bynta kano kano ka project. Ka dei ka jingïakren hapdeng ki seng saiñ pyrthei bapher bapher ba kin ïawanlang, kan shimpor, kam dei satia kaba suk”.
Une u Khliehduh ka NPP ula kiar ban sam shuh shuh ïa ki jingtip ba kham bniah da kaba ong ba kane ka kam hi ka dang ïaid shakhmat bad ym pat lah ban pyntip lut nadong shadong.
“Shibun ki jingïakren kila jia, hynrei kam long kaba ïahap ïa nga ban ai ïa ki jingtip sha phi ïa mynta namar ngim pat pynbna paidbah satia ïa ki” ula ong.
