Lynti Rel: Ngi sngewthuh shai, ngin ïaid shakhmat tang ynda ngi la ioh jingmynjur lang baroh : CM

Shillong, K’ Lyngkot 15: U Myntri Rangbah ka jylla u Conrad K Sangma ha ka sngi Palei u la pynpaw ïa ka jingdonkam ban don ka jngïasngewthuh jingmut ha kaba ïadei bad ka railway project ha ka thain ri lum Khasi-Jaintia da kaba u la ong, “Ngi sngewthuh shai bha, ngin ïaid shakhmat tang ynda ngi la lah ioh ban ïamir jingmut bad baroh.”
U Conrad u la pynpaw ïa ka jingsngewsih ba bun ki seng sain pyrthei kim shym la wan sha ka jingialang jong ka all party meeting ban iakren ia kane ka mat.
U Sangma u la kyntu ïa ki seng sain pyrthei kiba don ha ka liang pyrshah ba kin wan ban ïashim bynta ha ki jingïakren, da kaba ong, “Lada ngi mynjur ne ngim mynjur lymda ngim don ka jingïakren, ngin ym poi shano shano ruh.”
U Conrad ula iai ban ia ka jingkut jingmut jong ka Sorkar ban pynlong ia ka jingiakren bad baroh ki kynhun ba don bynta, haba batai “Ngin iai bteng ban pynsngewthuh ia ki paidbah halor ki jingmyntoi jong kane bad ngin pyrshang ban leh eiei halor ki jingsngewkhia kaba ki lah ban don bad ngin peit la ngi ban poi sha ka jingshimrai bad hadien kane ngin sa lah ban leit iakren sha Delhi”.
Shuh shuh u Conrad u la ban jur ba ka railway project ka long kaba donkam bha na ka bynta ka ioh ka kot, hynrei u la kubur ïa ka jinglong ban da hap husiar bha kaba donkam ban peit bniah.
Ka sorkar ka la thaw ïa ka all-party committee ban ïatai halor ka railway project, hynrei ki don pat ki party ki bym treh ban ïa shim bynta.