Na Khliehriat EJHD wan shimti noh ki pulit Mizoram ïa ka kali Bolero Pickup kaba la rong tuh da ki runar

Khliehriat kyllalyngkot 12: Kawei ka kali Bolero pickup kaba la rong tuh da ki runar na Mizoram mynha ka 30 tarik u nohprah 2025 kaba don u number MZ-01-M-7890 la lap pat ba ka don ha East Jaiñtia Hills District bad ïa kane ka kali la thied pateng da u bah Salanki Suja na uwei u briew uba na Assam namar uba tyrwa die ïa kane ka kali u la post ïa ka kali ha ki rynsan social media lyngba ka facebbok kaba la thoh ‘Group ïa die bad ïa thied kali’ la sngewthuh ba u bah Salanki Suja uba na East Jaiñtia Hills u la thied ïa kane ka kali khlem da poi pyrkhat ba ka dei pynban ka kali ba shu tuh.
Mynta ka sngi, ha ka jingsynran lang ki pulit na Khliehriat, ïa katei ka kali la wan shimti noh da ki pulit na Mizoram.
La ong ruh ba u trai jong katei ka kali u la dep ujor da ka ejahar ha Vaivakawn Police Station (Case no 1/26 dt 2/1/2026) bad la register ïa ka ejahar hapoh ki kyndon aiñ 305(B) BNS.
Kuba paw ha ka ejahar ba la buh da u yrai kali, katei ka Bolero pickup ka dei rong lieh/grey bad ka ba don ka engine number GHG1H40461 bad ka tarik ba shah tuh ka dei myn ha ka 30 nohprah 2026, ki pulit na Mizoram ki la lap ba kane ka kali ka din ha Khliehriat bad la post ha group social media ban die.
Na ka liang u Superintendent of Police ka East Jaiñtia Hills District, u Vikash Kumar, IPS u buh ka jingkyntu ïa ki paidbah ba kim dei ban thied pateng ïa ki kali (secon hand) khlem da ioh ïa ka NOC na ka tnat pulit namar kaba die bad thied ïa kano kano ka kali ba la shu tuh ka dei ka kam siew ne ka crime kaba lah ban pynngat hapoh ki kyndon aiñ 317BNS.