Khliehriat kyllalyngkot 12: Mynta ka sngi ha ka por kumba 4 baje janmiet, kawei ka trok kaba kit ïa ki plywood kaba don u registration number AS-01-JC-3233 kaba wan na ka liang Lumshnong bad thmu ban leit sha Kalain, ynda poi ha shnong Dona ha ka jaka ba don ka jingkieng ha surok NH-6 ka la leit tynrah beit ïa ki nar jingkieng bad ka trok ka la hap shapoh nalor jingkieng.
Na ka liang ki pulit na Umkiang mar mar ki la poi sha katei ka jaka ba hap ka trok bad ki la sei noh shabar ïa u nongñiah uba la mynsaw jur bad rah sha Umkiang PHC bad na ka daw ba jur palat ka jingmynsaw uba ñiah u la khlad noh.
