Shillong, Naitung 08: Ka Union Christian College (UCC) ryngkat ka jingïatreilang ka Meghalaya College Teachers’ Association (MCTA) ha ka 7 tarik mynta u bnai ka la pynlong ïa ka Seminar halor ka phang “Governance and Development in Meghalaya” lane ka jingsynshar bad ka roi ka par ha Meghalaya. Ha kane ka Seminar kaba la pynlong ha UCC, Umiam Khwan, u Prof B. Panda, Honorary Director jong ka Indian Council of Social Science Research, North Eastern Regional Centre (ICSSR-NERC) ka la long ka kongsan bad u Dr. V. Bijukumar, Associate Professor, Centre for Political Studies, Jawaharlal Nehru University (JNU), New Delhi u la ai ïa ka jingbatai kaba donkam bha.
Ha kane ka Seminar 11 tylli ki Paper ne ki jingbatai la ai da ki riewshemphang kiba na ki College bad University na ka jylla bad nabar jylla ruh. Kine ki jingthoh ne ki paper ki la batai bha halor ka jingsynshar bad ka roi ka par, kynthup ïa ka jingtih marpoh khyndew, ki khlaw ki btap bad ka mariang, ka ïoh kam ïoh jam ka umbam umdih, ka pule puthi, ki surok ki lynti ki syngkien,a koit ka khiah bad kiwei kiwei.
Ïa kane ka Seminar la pynlong kum shi bynta na ka jingdap sanphew snem ka MCTA bad ka jingdap hynñiew phew snem ka UCC.
