Hiar jurip kynsan ka FSSAI ia ka iew Polo lap ia ka rukom buh doh ba buh jingma ia ka koit ka khiah

Shillong, Naitung 08: Ka AssistantCommissioner jong ka Food Safety and Standard Authority of India(FSSAI) ha ka sngi Palei jong ka 7 tarik Naitung ka la lap ia ka jingbym khuid bym suba ki basa die doh bad ka rukom buh ia ki ha Iew Polo ba la pyniaid da ka Shillong Municipal Board.
Haba hiar da lade ban leit jurip da lasde ka Assistant Commissioner jong ka FSSAI ka la iathuh ba kiba bun ki dukan ha kane ka iew kim bud ruh ia ki kyndon ha kaba iadei bad ka rukom buh doh, namar ka Meghala High Court ka la maham ban wah ia ki doh ha ki jaka kiba ki skain ki lah ban boi kaba lah ban buh jingma ia ka koit ka khiah ki nongbam.
Haba kren sha ki lad pathai khubor ka Assistan Commissioner ka la iathuh ba na ka liang jongh ki ki la wan jurip ia kane ka iew kum shibynta ruh ban ia jinghikai ia ki nongdie hadien ba ka Meghala High Court ka la pynmih ba ym shah shuh ban wah ia ka doh ha ki dukan. Shuh shuh ka la iathuh ba kaei kaba ka lap ka long kaba i ma ia ki nongbam namar ka jingjakhlia ki dukan. Ka la ong ruh ba ka la lap ba kiba bun ki dukan kiba tei hangne kim long satia kiba paka nnamr tang ka um ruh kam tuid ha ki thliew um kiba kla buh bad ka la iathuh ruh ba ki don ki nongshong dukan kiba iathuh ba bun sien ka um pynban kaba na poh kaba kyrsoi sha saha ki dukan.