Shillong, K’Lyngkot 06 : Ka Meghalaya Human Rights Commission (MHRC) ka la shim kam hi (Suo Moto) haba ïadei bad ka jingkhlad noh jong ki arngut ki briew ha ka shnong Thangsko ha East Jaintia Hills distrik kumba la paw ha ki lad pathai khubor ha ka 05tarik Kyllalyngkot, 2026 kaba ong ba ‘ïap arngut ki briew na ka jingsuba bthei u dynamite ha krem dewiong ha EJH’.
Na ka liang ka Commission ha ka kyrwoh ka long, “Ka Commission ka la phah ïa ka notice sha u Superintendent of Police ka East Jaintia Hills ban pynlong ïa ka jingtohkit bad ban phah ïa ka kaiphod kaba bniah sha ka Commission hapoh ka por ba la buh.”
Kane ka long katkum ka kyrwoh ba la phah da u Secretary ka Meghalaya Human Rights Commission, u L Ch Marak, MCS.
