Nongpoh, Naitung 08: Na ka bynta ban tehlakam ne ban pynduna ïa ka jingpyndonkam plastic ne pynmih plastic kaba la buh jingma ïa ka mariang, u Deputy Commissioner ka Ri Bhoi u la pyntip sha baroh ki paidbah ka Ri Bhoi ba katkum ka Plastic Waste Management (Amendment) Rules, 2021 bad kumba la pynkup bor ha ka Section 5 ka Environment (Protection) Act 1986 (Act 29 of 1986) la btah ba kin don ki kyndon kiba tehlakam naduh ka jingpyndonkam ïa ki plastic bad ruh ban pynmih ne shna ïa ki plastic.
Na ka liang u Deputy Commissioner ka Ri Bhoi, u la pyntip ne bthah naduh ki nongshna plastic, kiba shalan plastic, kiba pynlang plastic, kiba pyndonkam ïa ki pastic ba shuh rah ki dei ban pyndonkam noh da kita ki kynja plastic ba ka jingrben ka dei ban don 120 microns. Kane ka kyndon kan treikam noh ka 31 tarik u Nohprah 2022 hapoh Ri Bhoi District.
Shuh shuh la pyntip ruh ba katkum kitei ki kyndon aiñ ba la pynjari, la khang ruh ban pyndonkam klumar ïa ki plastic bad baroh ki kynja plastic kim dei ban duna kata ka jingrben na kata kaba 100 micron bad kane ka jingtehlakam ka kyntup naduh ka jingpyndonkam plastrict, kum ki ballon, ki shamoit plastic, ki synduk cigarette, ki pela plastic bad kiwei kiwei kiba long kynja plastic bad kane ka jingkhang ne mana kan treikam naduh ka 1 tarik u Naitung 2022 hapoh Ri Bhoi District.
