Pynkyndit lut u Jumai ba khlaiñ bor ïa ki paidbah ka jylla shwa ban kynjatshai

Shillong, K’Lyngkot 05 : Ki paidbah nongshong shnong ka jylla ha ka step sngi Nyngkong ki la kyndit bad rah mynsiem lut hadien ba u jumai ba khlainbor haduh 5.1 Magnitude u la khynñiuh kynsan ha ka por 4.17 baje mynstep, kaba dei ka por ba ki paidbah ki dang ioh thiah lyngai.
Ka jingjur jong une u jumai ka la pynlong ruh ïa bun ki nongshong shnong ban hylla da ka jingkyndit ryngkat ka jingduwai Blei.
Katkum ka National Center for Seismology ka tynrai jong une u jumai kadei na Morigaon District ha Assam bad ka pur lang sha kiwei pat ki jylla ba marjan kynthup ïa ka Meghalaya.