New Delhi K’Lyngkot 03: Ka jingpynkhlaiñ ïa ka kam pynpoi mar ha ka thaiñ shatei lammihngi. Katkum ki jingbthah jong ka 71st North East Council (NEC) Plenary, ha u bnai Naitung 2024, la thaw ïa ka Inter-Ministerial Committee (IMC) hapoh kane ka Tnad ban ai jingmut ba bniah na ka bynta ban kyntiew ïa ka jingpynpoi mar ha ka thaiñ shatei lammihngi bad ban pynïasoh ïa ka bad ki lad pynpoi mar jong ka ri. Hadien kata, la pynbna ïa ka State Logistics Policy (SLP) ha Sikkim, katba kum kine ki jingpynbna ki dang ïaid shakhmat ha Nagaland bad Meghalaya. Ki jingpynbna na ka bynta ban pynkhreh ïa ki State Logistics Master Plan la dep ban leh ha Arunachal Pradesh, Tripura, bad Nagaland, katba kum kine ki jingtreikam ki dang ïaid shakhmat ha kiwei pat ki Jylla ka thaiñ shatei lammihngi.
Ka North East Science and Technology Cluster [NEST]
Kane ka Tnad ka la mynjur ban seng ïa ka North East Science and Technology Cluster ha IIT Guwahati ha ka jinglut kaba T.22.98 klur ban kyntiew ïa ka jingwad bniah, ka jingsaiñdur thymmai & ka jingkyntiew ïa ki sap ha ka thaiñ shatei lammihngi jong ka ri India, kaba la plie paidbah ha ka 3 tarik Naiwieng 2025. Ka NEST Cluster kan kyrshan ïa ka jaka pdeng na ka bynta ka jingsaiñdur thymmai ha ki jaka treikam, ka jaka pdeng na ka bynta ka teknoloji kaba ïadei bad ka Semiconductor bad ka Artificial Intelligence, ka jaka na ka bynta ka jingsaiñdur ha ka teknoloji ba ïadei bad ki siej bad kiwei ki jait plastic ki bym ktah ïa ka mariang bad ka jingkyntiew ïa ka jingseng kam seng jam, ka jingkyntiew ïa ki sap bad ka jaka pdeng na ka bynta ka kam saiñdur thymmai ha ka thaiñ shatei lammihngi.
Ha ka jingpynmih ïa ki dieng Agar bad ki siej lyngba ki Cluster
Ka thaiñ shatei lammihngi ka don jan 96% na ka jingpynmih dieng agar jong ka ri. Lyngba ki sienjam jong kane ka Tnad, la kyntiew hynriew shah ïa ka jingshalan jong ka India shabar ri man la u snem ïa u dieng agar. Ka jingai jingmut ban kyntiew ïa ki cluster ba ïadei bad ki dieng agar ha Golaghat ha Assam bad Kadamtala ha Tripura ka dang don hapoh ka jingpyrkhat jong ka Tnad. Kane ka Tnad ka dang trei mynta na ka bynta ban pynkhlaiñ ïa ki kynhun saiñdur tynrai kiba pyndonkam ïa u siej ban pynbiang ïa ka lad ban ïoh ïa ki ïew kiba kham heh, ki jingpynïasoh digital, ka kamai kajih jong ki nongshna tiar da kaba shim ïa ki projek ban pynïasoh ïa 4,000 tam ki nongshna tiar sha ki ïew ba pura bad ban kyntiew ïa 15 tylli ki Common Facility Centre (CFC). Kane ka Tnad ka la kyrshan ban buh ïa ki jaka thied mar ha Karbi Anglong (Assam) bad Mokokchung (Nagaland) khnang ban shna ïa ki mar kiba bha na u siej.
150 tylli ki jingkyntiew kyrteng thymmai hapoh ka GI ïa ki mar na ka thaiñ shatei lammihngi
Kane ka Tnad ka dang lamkhmat ïa ka Geographical Indication (GI) tagging ïa ki mar ba kyrpang, ki mar rep, ki shna kti, ki jaiñ thaiñ kti na ka thaiñ shatei lammihngi ban kyntiew bad pynneh pynsah ïa ka jinglong kyrpang jong kine ki mar. La ithuh 150 tylli ki mar ba kyrpang na ka bynta ka GI Tagging ha kine ki ar snem ban wan.
Ka Rising North East Investors Summit
Ka thaiñ shatei lammihngi ka la pynkhreh ban don ka bynta kaba kongsan ha kaba pynwandur ïa ka jingïaid lynti jong ka India ban pynurlong ïa ka thong jong ka na ka bynta ka ‘Viksit Bharat’ shuwa u snem 2047. Ïa ka Rising North East Investors Summit la pynlong ha ka 23-24 tarik u Jymmang 2025 ha New Delhi ha ka jingïashim bynta ki kompeni ba heh, ki nongbei tyngka nabar ri bad ki Public Sector Undertaking (PSU). Kane ka jingïalang ka la wanrah ïa ka jingpeit bniah ki nongbei tyngka shimet bad ki PSU haduh T. 4.48 lak klur.
Ka Ashtalak shim Darshan Youth Exchange Programme
Ka Tnad Development of North Eastern Region (DoNER) ka la sdang ïa ka Ashtalakshmi Darshan-Youth Exchange Prokram ban pynkhlaiñ ïa ka jingïadei, ban kyntiew ïa ka jingïadei hapdeng ki briew, bad ban kyntiew ïa ka jingsngewthuh shaphang ka jingriewspah ha ka kolshor bad ka jingkongsan jong ka thaiñ shatei lammihngi. Ka prokram kaba shisnem kan plie lad ïa 1280 ngut ki samla pule kiba don ha ka rta 15-29 snem na 28 tylli ki Jylla/UT ban ïashim bynta ha ki jingleit jngoh ba 14 sngi ïa ki skulbah bad ki jaka pule ba pawnam ha kylleng ka thaiñ shatei lammihngi. Ïa kane ka sienjam la plie paidbah ha ka 1 tarik Naiwieng 2025, ha kaba ka kynhun ba nyngkong jong ki 40 ngut ki samla pule na Goa bad Uttarakhand ki la leit jngoh ïa ka Rajiv Gandhi University, Arunachal Pradesh, kaba long ka dak jong ka jingsdang ïa kane ka sienjam kylleng ka ri.
Ka Bamboo Value Chain Development Program
Kane ka Tnad ka pyntreikam ïa ka bamboo value-chain development programme ha kylleng ka thaiñ shatei lammihngi. Ka sienjam ka pyndonkam ïa ka rukom treikam kaba pura kaba kynthup ïa ka jingkyntiew ïa ki sap, ka jingpynkhlaiñ ïa ki kynhun, ka jingthaw ïa ki jingdon jingem, ka jingkyntiew ïa ki mar ba la shna da ki siej, bad ki sienjam ban pynïasoh bad ki ïew ban plie lut ïa ki lad kiba don ha kane ka kam. Hapoh ki skhim bapher bapher jong ka NEC, la mynjur haduh 25 tylli ki projek kiba ïadei bad ki siej kiba kot sha ka 236.53 klur khnang ban kyntiew ïa ki kam kiba ïadei bad ki siej ha ka thaiñ shatei lammihngi. Kine ki projek ki kynthup ïa ka jingkyntiew ïa ki kam, ka jingkyrshan ïa ki nongtrei kti, ka jingai jinghikai, ka jingthaw ïa ki jingdon jingem, bad ka jingpynbun ïa ki jait tiar. La wanrah ïa artylli ki rukom treikam ba lah ban pynïar ha kane ka kam. Ka Projek Engineered Bamboo Product (70.98 klur hapoh ka PM-DevINE) ka pynleit jingmut ha kaba seng ïa ki jaka pynkhuid, ki jaka leh lamination, bad jaka shna tiar na ka bynta ki tiar kiba bha ba shna da ki siej kum ki board bad ki panel, ki tiar furniture, ki charcoal briquette bad ki tiar ba la shna da kaba pyndonkam lang lang da ki siej, ha kaba lah ban pyndonkam ha ka kam shna jingshna, kam shna ïing, kam shna furniture bad ki kam ha ki karkhana. Ka rukom pynkhlaiñ ïa ki Traditional Bamboo Artisan Cluster (11.52 klur hapoh ka SoNEC) ka thmu ban pynthymmai ïa ki kynhun shna kti tynrai lyngba ka jingkyntiew ïa ka jingsaiñdur, ki jaka ba lah ban pyndonkam lang, ki tiar, ka jingkyntiew ïa ki sap, bad ka jingthaw ïa ki karkhana rit, ban kyntiew ïa ka jingseisoh bad ka jingpynkhreh ïa ka ïew na ka bynta ki ïew hapoh ka ri bad ki iew shabar ri. Ka Tnad ka la pynmih ruh ïa ka jingbthah jong ka polisi na ka bynta ban ïatreilang bad ki kynhun kiba ïadei bad ki lad digital bad kiba plie lad ban kyntiew ïa ka lad ban pynpoi ïa ki mar ba shna da ki siej sha ki ïew bapher bapher ba la shna da ki nongtrei kti jong ka thaiñ. Nalor kata, ka NECBDC ka la pyntreikam ïa ki prokram ban kyntiew ïa ki sap, da kaba ai jinghikai ïa 5,068 ngut ki nongshna ïa ki mar da ki siej bad ki ophisar sorkar ha kine ki lai snem ba la dep.
