Nongstoiñ, K’Lyngkot 02 : Ka shnong Nongmawleiñ ka dei ka shnong kaba jngaio kumba phra kilomitar shaphang sepngi na ka shnong Langpih bad ka dei ruh ka shnong kaba sei soh bha hynrei ym pat don satia ka surok kaba biang lait noh tang ka surok ba la pyntrei lyngba ka skhim MNREGS ha ki snem kiba mynshuwa la sniew haduh katta katta nalor ba ka rit.
Shaphang mihngi na katei ka shnong u don uwei u lum uba long da da u mawsiang suda uba kynjang bad uba ïar haduh katta katta uba ki nongshkong shnong katei ka thaiñ ki khot da u maw Passam .Nalor kata hamar pdeng jong utei u lum mawsiang ki don ki siej lynong lynnong kiba jrong bad kiba pynitynnnad.
U nongthohkhubor hadien ba la ioh jingtip shphang ka jingitynnad jong utei u lum mawsiang mynta ka sngi thohdieng ka 2 tarik Kyllalyngkot u la hiar sha katei ka jaka ryngkat ki arngut ki rangbah na ka shnong Langpih bad haba la poi ha katei ka jaka la lap ba ka la don ka foot path kaba la shna na ka bynta ban kiew ha jrong utei u lum mawsiang bad ha baroh arliang jong ki maw kyrdon la thung da ki dieng sla tyrpad kiba la jyrngam hi khrek.
U bah H.Sangleiñ uba la ïalam lynti sha duih katei ka jaka haba ïakren bad u nongthohkhubor u la ong ba wat la ym pat don ka surok ruh ki nongleit jngohkai bad leit ïaid pyngad ha katei ka jaka ki tuid man la ka por khamtam ha ka aïom tlang kata shuwa ka sngi Khristmas, ka sngi kut snem bad sdang snem .U la ong ruh ba ha kitei ki sngi ym tang ki nongshong shnong na katei ka thaiñ kiba leit kai pyngad ha utei u lum hynrei ki briew na Assam ruh ki ju wan da ki kynhun namar ka ing itynnad katei ka jaka.
Kaba kham itynnad shuh shuh ka long ba ha jrong jong utei u mawsiang ka don ka khap kaba jylliew bha kaba pei sha shiliang jong utei u lum mawsiang kaba ka lynter jong katei ka khap maw ka long kimba sanphew mitar ne tam haduh ban da pei sha bar.U bah Sangleiñ u la ong ruh ba mynhyndai ki nongshong shnong na Nongmawleiñ man la ka miet ki ju ïohi ïa ka jingshai ka phyrnai bha ha katei ka khap maw bad ki ong ba u dei u mawlynai jong uwei u seiñ ïong uba shong ha katei ka khap mawsiang .Kumta ki la kwah bha ban ïoh ïa utei u mawlynnai ha kaba ki la shet da ka kyiad ka um bad ha ka por mynsngi ki la leit buh hajan hangta khnang ba utei u seiñ ïong un dih bad ynda um tip briew shuh kin sa leit shim ïa utei u mawlynnai .
U la ong ruh ba ki la pyrshang la bun sien bun wat hynrei uta u bseiñ ïong um dih satia ïa katei ka kyiad.U la ong ruh ba suki suki katba ki briew ki nang bun bad ka shnong ka nang heh utei u mawlynnai u shu jah rngai noh na ka tei ka jaka.Haba phai ha ka jingdon jong utei u lum mawiang ha katei ka jaka wat la ka dei ka jaka kaba hap ka ka jingbym pat lah ban pynthikna la ka hap ha Assam ne ka hap ha Meghalaya ruh ka sorkar ka la dei ban phai khmat da kaba pynïoh da ka surok kaba bha namar lada kan don ka surok kaba biang ki nongleit kai sngewbha ha katei ka jaka kin tuid man ka sngi bad kan kyntiew ïa ka ïoh ka kot jong ki paitbah nong shong shnong jong katei ka thaiñ.
