Shillong, Nohprah 23: U Conrad K Sangma uba dei u Myntri Rangbah ka jylla Meghalaya mynta ka janmiet u la leit sha ïew Tura ban ai khublei Christmas ïa ki paidbah.
Ha kane ka jingleit sha ïew, u Conrad u la ïa kynduh ïa ki briew kiba don jingduna ha ki dkhot met bad u la ioh ruh ban ïakren bad ki.U wei napdeng ba la ïa kynduh u la kyrpad ban pynthied ka juti shi jur, ha kaba u Conrad mar mar u la ialam ïa u sha dukan ban pynthied ïa ki juti.
Sa kawei ka longkmie, kala kyrpad ia u ban pynthied da ka sweater ïa ka khun ba dang saw snem bad kumjuh ruh ka juti shi jur na ka bynta ïa lade bad mar mar na ka liang u myntri rangbah u la pynioh ia ki.
Kane ka jingleh u Myntri Rangbah ka kham niar ban ïohi ba kiwei ki myntri rangbah kin leh kumba leh u Conrad K Sangma.
