Ka sorkar kala dei ban shim rai noh ban pynkynriah ïa kiba sah ha Them Ïew Mawlong: Adelbert

Shillong, Nohprah 23: U Bah Adelbert Nongrum u MLA ka 17 North Shillong u la pynpaw ba ka sorkar jylla kadei ban leh noh ïa la ka kamram bad ban ym map, hynrei kan shim noh ïa ka rai ban pynkynriah noh ïa ki briew kiba sah ha Them Iew Mawlong khlem da ap ia ka ïing bishar ba kan tuklar.
Haba ia kren bad u Bah Adelbert, u la ong kane ka mat ba sah ki briew Them Iew Mawlong nga kwah ban pynpaw ba ngam sngewtynnat ban pyndonkam ia ki kyntien kum ka “Harijan Colony”, “Sweeper Colony” lane “Punjabi Colony” hynrei lada ngi bteng ban pyndonkam ïa kitei ki kyrteng bad lada ngi leit sha ïing bishar, kane kan ai por s huh shuh ia ki briew kiba sah be-aiñ ha katei ka jaka.
“Ha ka elekshon 2023, ngam shym la leit ban pan jingkyrshan na ki briew kiba sah ha katei ka jaka namar ngam kwah ban ïapein ia la ka jong ka nongrim tang ban jop election” ong u Bah Adelbert.
Shuh shuh u la ong ba u ngeit skhem ba ka sorkar jylla kan leh noh shen ia kaba donkam.Watla bun ki briew ki ong ba u Bah Adelbert u long u ba pyrshah ïa ki bar jylla, hynrei ka ka khubor ka long kaba shai ba lada ki pyrshang ban tuh ia ka hok jong ngi, ngi hap ban ieng skhem bad wat lada ki khot ia kata ka communal, ngi hap ban iada ia la ka hok.
Kumba nga la pynpaw sha ki paidbah ka constituency jong nga, ba ngan nym ym ïapein hynrei ngan ïai ïeng skhem, wat lada ka sorkar kam shym la kynthup ïa nga kum u dkhot ka High Level Committee.Ngan ïai buddien bad pynpaw paidbah, khamtam ha kane ka por, ong u Bah Adelbert.
“Ka sorkar kam dei ban pynslem shuh hynrei ka dei ban weng ne pynkynriah noh ïa ki briew kiba shong be-aiñ ha katei ka jaka bad pynkynriah noh ia ki, namar la donkam ban wanrah ia ka jingphai khmat ba kyrpang ban pynroi ïa katei ka jaka” u la ong.
Shuh shuh u Bah Adelbert u la ong, Ka jingsngew khia kaba khraw kaba nga sngew ka dei ka halor ka koit ka khiah na ka bynta ki briew. Ngi sngewthuh ba katei ka jaka ka dei ka slum, bad ka jingkylli ka long, mano ban shim ia ka jingkitkhlieh lada ka wan ka jingma ha ka koit ka khiah ne ka health hazard? Nga iohi ba ka ïing bishar dang shen ka la pynpaw ba dei ban pynbeit ia kane ka kam katkum ka merit.