Na ka ticket BJP, lah ban ïakhun ki katto katne ki MLA ka NPP bad ki heh Congress ha u 2028

Shillong, Nohprah 21: Ka sain pyrthei hapoh ka jylla Meghalaya ha shwa ba ka election ka ban long ha u snem 2028, la ioh ia ka jingtip ia ka tyllong khubor ba iajan ba kin don MLA ki ban sa pyniasoh noh sha ka party BJP kynthup kiba na ka sem NPP bad kiwei.
Kat kum ka tyllong khubor, la iathuh ba ki ban leit pyniasoh sha ka BJP kidei ruh ki briew kiba la paw khmat bha jong ka jylla ba kynthup na ka seng Congress bad kumjuh ruh ki nongialam ka NPP.
Shuh shuh la ong, ha kaba iadei bad u Dr. Mukul Sangma uba dei u Myntri Rangbah barim ka jylla uba dei ruh u nongialam ka TMC mynta ki dang pyrshang ban tan sha ka party BJP.
Nalor kine, ka tyllong khubor la iathuh ruh ba ki dang don ruh kiba dang don hapdeng ka jingkren ia pynbeit ba kin pyniasoh sha ka party.