Ban ïoh lehkmen Khristmas bad Snem Thymmai pyllait pisa ka sorkar 1602.9 klur tyngka

Shillong, Nohprah 20: Ka sorkar Meghalaya mynta u bnai Nohprah kala pynlait pisa haduh1602.90 klur tyngka ban siew ïa ki 50000 ngut ki nongtrei sorkar, 30000 ngut kiba ïoh pension, kiba trei sngi ha ki ophis sorkar.
Katkum ka jingkheiñ kaba la pynlait na ka tnad pla pisa, kala kren shai ba ïa ka tulop ki nongtrei sorkar la pynlait 348.1 klur tyngka, na ka bynta ka pension la pynlait 93.4 klur tyngka, kiba trei sngi la pynlait 9.7 klur tyngka bad ïa kiba trei shipor la pynlait 4.1 klur tyngka.
Ha kane ka snem mang tyngka 2025-2026 ka sorkar kala pynlait ka pisa 255.5 klur tyngka sha ki lai tylli ki District Council ba kin siew tulop ïa ki nongtrei kiba dang sah ka tulop jong ki katto katne bnai.
Ka jingpynlait pisa na ka bynta ki kontraktor ki long ha ki 53 tylli ki jingtrei kiba heh ka long 416.1 klur tyngka bad ïa ki jingtrei kiba kham rit ki don 57 tylli ka jingpynlait pisa ka long 154.7 klur tyngka.
Ki tnad sorkar kiba kham ha khmat eh kiba la ïoh ia ka pisa ban siew sha ki kontraktor ki long ka PWD ka ïoh, 256.4 klur tyngka, Tnad pynroi sor ka ïoh T02.5 klur tyngka, ka tnad sam um ka ïoh 68.6 klur tyngka, ka tnad ïalehkai ka ïoh 60 klur tyngka, ka tnad bording ka ïoh 60 klur tyngka.
Ka tnad ka koit ka khiah ka ïoh 14 klur tyngka, ka tnad ba peit ïa ka jingpynïaid kam dorbar ka ïoh 12 klur tyngka, ka tnad pynneh ia ki um ki wah ka ioh 8.2 klur tyngka, ka Tnad jngohkai pyrthei ka ïoh 7.9 klur tyngka, ka tnad shna ïing ka ïoh 3.2 klur tyngka, ka tnad ka kit ka bah ka ïoh 2.5 klur tyngka, ka tnad rep ka ïoh 1.3 klur tyngka.
Ka jingpynlait pisa ha kane ka snem mang tyngka 2025-2026 sha ki tnad sorkar kiba la niew kum ki tnad sorkar kiba heh, ka tnad pynroi nongkyndong ka ioh 102.9 klur tyngka, tnad bording 101.2 klur tyngka, District Council Affair 101.0 klur tyngka.
Ka tnad Planing ka ïoh 80.9 klur tyngka, ka tnad rep ka ïoh 69.5 klur tyngka, ka tnad ka koit ka khiah ka ïoh 62.2 klur tyngka, ka tnad pla pisa ka ïoh 58.4 klur tyngka, ka tnad pule puthi ka ïoh 35.0 klur tyngka, ka tnad kam poh ïing ka ïoh 29.5 klur tyngka, ka tnad ïalehkai ka ïoh 12.6 klur tyngka, ka tnad ri jingri ka ïoh 10.8 klur tyngka.
ïa ki skhim jong ka sorkar jylla kiba la pyntrei kam la pynlait pisa 23 klur tyngka bad kane kala pynmyntoi ïa ki 92,051 ngut lyngba ka skhim FOCUS+, ka tnad pla pisa ka sorkar jylla haduh mynta u bnai Nohprah kala pynlait pisa baroh kala kot sha ka 1602.9 klur tyngka kane kala jingpynlait pisa kala kham kiew da 30.8% ban ïa jong u snem 2025.