Ngi dap da ka jingkyndit bad lyngngoh halor ki jingkam u Pro VC barim ka NEHU: NEHUNSA

Shillong, Nohprah 18 : Ka North Eastern Hill University Non-Teaching Staff Association (NEHUNSA) ka la kyntait ïa ki jingkam jong u Pro Vice-Chancellor barim, u Prof S Umdor, haba ïadei bad ki jingkynjoh jingjop ha ka por ka samoi treikam jong u.
Ha ka kyrwoh ba la pynlait ha ka sngi Balang, ka NEHUNSA ka la ong, “Ngi don ha ka khyllipmat jong ka jingkyndit bad sngewlyngngoh shaphang ki jingjop ba la kam da u Pro Vice-Chancellor barim, ha kaba la ong ba hapoh ka samoi treikam jong u ka ophis ka la lah ban pyndep ïa ki kam kiba khraw kaba kynthup ka jingkyntiew kyrdan ïa ki Non-Teaching employee lyngba ka Departmental Promotion Committee (DPC).”
Ka NEHUNSA ka la pynshai ba ym don na ki Non-Teaching employee ki la ïohpdiang ïa ki jingkyntiew kyrdan, kaba long mar pyrshah bad ki jingkam jong u Pro Vice-Chancellor barim.
Ka association ka la pynpaw ka jingartatien kumjuh ïa ka jingkam ba la pyndep ïa ka jingpynmih jingpynbna na ka bynta ban thungkam ïa ki Non-Teaching employee, da kaba ong ba ka jingpynmih jingpynbna ba mynshwa ka la kut bad kaba dang hap pat ban pyndam noh.
“Ngi kwah ban pynshai ba haduh kane ka tarik ym shym la don mano mano ruh na ki Non-Teaching employee kiba la ïoh kano kano ka jingshah kyntiew kyrdan, kaba dei kawei na ki Agenda kaba la wanrah hakhmat jong ka office jong ki bor ba dei peit,” ong ka NEHUNSA.
Ka association ka la buh ruh ka jingkylli ïa ki jingkam jong u Pro Vice-Chancellor barim, da kaba ong ba ka NEHUNSA kam pat ju ïoh ki jingpyntip haba ïadei bad ka rai kaba khatduh ban pynmih jingpynbna na ka bynta ban thung ïa ki kam jong ki Non-Teaching employee.
Ka NEHUNSA ka la pynpaw ka jingsngewkhia bad jingkyndit halor ki jingkam ba la pynpaw da u Pro Vice-Chancellor barim uba la pynpaw ïa kane ban ïoh ka jingpynleit jingmut jong ki paidbah ba bun.