Shillong, Nohprah 18: Ka National People Party (NPP) kumba ju leh man ka sngi, mynta ka kynti ruh kala pynlong ia ka jingrakhe Pre Christmas hapoh ka ophis trei kam jong ka ha Bivar Road Polo Hills.
Ha kane ka sngi ka 16 tarik u Nohpaej ba rakhe ia ka pre Christmas, u Fr. Auggie Warbah uba dei u Assistant Parish Priest ka Madanriting Parish u la wan ban ia shim bynta lang ha kane ka jingrakhe Chrisrmas ban sam ia ka khubor.
Napdeng u Fr. Auggie Warbah la wan ban ia don lang ruh ki nongkit kam bad ki nongialam jong ka party ba kynthup naduh u Prof Don War, ka President jong ka National People Women Front, ka kong Grace Mary Kharpuri bad kiwei kiwei de ki nongkit kam jong ki kynthei, ki nongialam jong ka Shillong City nalor kiwei kiwei pat.
Ha shwa ban sam ia ka khubor Chrisrmas, u Fr. Auggie Warbah u la ai ka jingiaroh ia u Myntri Rangbah u Conrad K Sangma bad ia baroh ar ngut ki Symbud Myntri Rangbah bad ai khublei ruh ia ki Myntri Sorkar, ki MLA bad ki MDC jong ka jylla.
Ha shwa ban pynkut u Fr. Auggie Warbah u la ot ia u cake christmas ha ryngkat bad ki nongialam ka NPP bad ruh ka jingdwai.
