Jowai, Naitung 07: Ka jingïalehkai phutbol ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Jowai.
Haba phai sha ka jingïakhun hapdeng ka ka Lumpariat pyrshah ïa ka Dongmihsngi, kala long kaba ïakhait bha namar naduh ka kylla step tad haduh jong ka kylla miet na baroh kitei ki ar kynhun kim shem la ïoh satia ban thep kol, ha kaba ka jingïakhun kala poi noh sha kaba kut da 0-0 kol.
Lashai ka sngi 8 tarik ka jingïakhun kan long hapdeng ka Mynsngad pyrshah ïa ka Phramer ha ka por 3 baje nongphai sngi.
