Haduh 186 tylli ki mukotduma pynïasuk ka National Lok Adalak ha baroh kawei ka jylla

Shillong, Nohprah 14 : Ki la don haduh 186 tylli ki mukotduma kiba la kot sha ka 1.66 klur tyngka kiba la pynbeit ha ka National Lok Adala ba la pynlong da ka Meghalaya State Legal Services Authority (MSLSA) ha ryngkat ka jingïatrei lang bad ka National Legal Services Authority (NALSA) ha baroh kaweika jylla hakane ka sngi Saitjain.
Na ka liang u Chief Justice Soumen Sen u la leit ban donlang ha ka National Lok Adalat kaba long ha Tura, West Garo Hills District, bad ïa kren ruh bad ki nongsaid ain kumjuh ki nongmudui.
U Justice HS Thangkhiew bad Justice W Diengdoh ki la donlang ha ka Lok Adalat ha Meghalaya High Court, District Court, East Khasi Hills District, Shillong bad ha District Council Court, KHADC.
Baroh, 653 tylli ki mukotduma la shim ba kynthup ïa ki 246 tylli ki mukotduma shwa ban shah mudui bad 407 tylli pat ki mukotduma kiba sahteng. Na kine 186 tylli ki mukotduma la lah ban pynbeit kiba kynthup ïa ka pisa baroh kaba kot sha ka 1,66,26,250.82 tyngka.
Ka National Lok Adalat ka plie lad ïa ki nongïasaid ain bad ïa ki nongmudui ban pynbeit ïa ki jingïakajia kaba plie lad ban pynïoh kloi ïa ka hok bad pynduna ïa ka jingkit ba khia ha Iingkashari.
Ïa kane la leh hapoh ka jingïalam jong u Chief Justice Soumen Sen, ba deiruh u Patron in Chief jong ka MSLSA bad ryngkat lang ka jingdonlang u Justice HS Thangkhiew, ba dei u Executive Chairman, MSLSA bad Justice W Diengdoh, ba dei u Chairperson, High Court Legal Services Committee.