Shillong, Nohprah 12: U Banshanlang Nongrum u la pyntip ba ha ka 9 tarik mynta u bnai, ki runar bym lah ban ithuh ki la tuh ïa ka scooter jong u kaba don number ML-05AA-1762 napoh ka ïing sah jong u kaba ha ka shnong Mawshun kaba dang hab hapoh Pynursla PS (EKH).
Kawei pat ka longkmie kaba sah ha nongbah Shillong ka la phah ka jingujor ba ha ka 24 tarik u Naiwieng, 2025, ka la don ka jingshah sei ka pisa jong ka, kaba khlem da la ai bor kaba la kot T. 54,927.5/-took napoh ka credit card jong ka, bad ïa kane ki la leh khlem ka jingtip jong ka.
U Bah Chalan Phalangki u la phah ka jingujor ba ha ka miet jong ka 8 tarik mynta u bnai, ki runar bym lah ban ithuh dur ki la tuh haduh 5 tylli ki AC na V-Mart Shopping Mall kaba ha Ladthalaboh, Jowai (WJH).
