Shillong, Nohprah 11: Kum ka sienjam kaba hakhmat ban tehlakam ïa ka jinglah ban mih ka huri hura hapdeng ki katto katne ki kynhun, ka District Magistrate ka East Khasi Hills Kong RM Kurbah ka la khang ïa kano kano ka jingïalum paidbah ha ka jaka ïakajia jong ka Ïingmane Presbyterian ha Ksehpyndeng.
Kane ka hukum ba la pynmih hapoh ka kyndon 163 BNSS, ka la mih hadien ba ka don ka jingïakajia hapdeng ki ar kynhun jong ka Balang, ha kaba kawei ka kynhun ka thmu ban pynbaptis biang ïa ki nongshong shnong ba la rangbah jong ka Shnong ha ka 12 tarik Nohprah 2025, kaba la pyrshah jur da kawei pat ka kynhun.
La ong ba ha ka hukum, ka Kong Kurbah ka la pynpaw ba ka sngewdei ba ka jingthmu ban pynbaptis biang ka lah ban pynmih ïa ka jingïakynad, ka huri hura bad ka ban lam sha ka jingkulmar kaba ktah ïa ka shongsuk ka shongsaiñ.
La ong ba kano kano ka jingpynkheiñ ïa ka hukum kin shah pynsajia hapoh ka kyndon 223 jong ka BNS. Kane ka hukum ka la treikam mardor bad kan ïai treikam haduh ban da pynmih da kawei pat ka hukum.
