Shillong, Naitung 06: Hadien ba ki nongtrei jong ka National Health Mission(NHM) Meghalaya, kiba trei kum ki Service Delivery Staff(SDS) ki la pynbna paidbah ha ka 5 tarik Naitung ba kin pynlong ïa ka jingïakhih da kaba sahngeh treikam naduh 6 tarik Naitung kaba khlem buh sngi mynta ka sngi ki la rai ban weng noh ïa kane ka jingïakhih namar lada kin ïaid shakmat kan buh jingeh ïa kiba pang ba shitom kiba donkam ïa ka jingsumar jong ki.
Ha ka kyrwoh ba ki la phah sha ki lad pathai khubor ki la ïathuh ba na ka liang jong ki ki la pynkylla noh ïa ka jingïakhih ba khlem buh por sha ka jingïakhih kaba kin ym ai satia ïa kino kiino ki kaiphot sha ki bor ba dei peit.
Shuh shuh na ki liang SDS ki la buh ruh ïa ka jingkylli ïa u Mission Director(MD) la ki don ne em ka jingtwad jingmut na ki riew shemphang ha shuwa ban phiah, la ka ophis u MD ka twad jingmut bad sngap ne em ïa ki jingai jingmut kito kiba shah kjtah na kane ka rukom thymmai, la ka ophis ka pan jingmut ne em ïa ki stad ain ïa kane ka kam ban lait na kino kino ki jingshah khniot beiñ ki nongtrei.
