Khliehriat, Nohprah 07: Ka Khasi Students’ Union South West Border Circle lem bad ki dkhot ha ka jingialam Education Secretary, u samla Andrias Talang, myn ha ka 5 tarik mynta u bnai nohprah ki la leit ban buh da ka dorkhas ha ophis jong u Sub-divisional Officer Me P.D.C.L Khliehriat division ha ka ba ïadei bad ka ka jing bym pat don bor ding electrict ha ki shnong ha khappud ha East Jaiñtia Hills District bad kita ki dei ka shnong Lejri, Lahaleiñ-Lailong, Huroi bad Hingaria bad ka seng ka dawa jur na ka sorkar ba ka dei ban pyn ioh bor ding electrict noh ha kine ki shnong ha khappud.
La ong ba na ka liang ka seng ka la ioh ban pynsngew ha u SDO ïa ki jingeh jong ki nong shong shnong ha kitei ki thaiñ khappud (Indo-Bangla) na ka daw ka jingbym pat don ka bor ding electrict “Watla ki nongshong shnong da ki phew snem mynshwa ki la dawa na ka sorkar ban pynioh bor ding electrict hynrei haduh mynta ka sorkar kam pat pynsngap ei ei bad kam pat lah satia ban pynurlong ïa kane ka jingdawa ki nongshong shnong, mynta ka kynti ka seng ha ka dorkhas ka la dawa ba ka tnad bor ding ka dei ban peit bad ka dei ban pyn urlong noh mardor ïa ka jingdawa jong ki paidbah nong shong shnong lem kumta ka seng kam banse ban shim da ki wei pat ki sienjam ban pyntikna ba ka hok jong ki para doh para snam ba shong ba sah ha ki shnong ba khapud bad ka ri Bangladesh kam dei ban duh ban dam bad ha ka juh ka por ka seng ka ban jur bad pynkynmaw ba ka sorkar ka khlem pat phai khmat ïa katei ka thaiñ mynta da ki phew-phew snem wat la ka sorkr ka tip shai ba katei ka thaiñ ka don ha khappud bad ka ri Bangladesh bad ka don ruh ka jingma ïa ki nongshong shnong hynrei ka sorkar ka khlem shim khia satia bad ka hun ba ki nongshong shnong kin shong kin sah ha ka jongdum” ong u kyrwoh na ka seng.
“Ka seng ka phah ruh ka khubor sha ki nong shong shnong kiba shong ba sah ha ki thaiñ khappud ba kin ïai shah bad ai ka jing iatreilang bad ka seng tad haduh ban da ioh ka jubab na ka ophis jong u SDO bad lada kane ka jing dawa jong ka seng kam long ka ba seisoh na ka liang ka seng kan sa shim da ki wei pat ki sien jam ban pyntikna ba ka hok jong ki nong shong shnong ka dei ban urlong” bynrap ki nongialam jong ka KSU South West Border Circle.
Ha katei ka jingleit kynduh ki ki nongialam bad ki dkhot ka KSU South West Border Circle ia u SDO, la ïa synran lang ruh da u Vice President, u samla
Samla Kampher Pohthmi lem bad u President KSU East Jaintia Hills District Unit, u bah Streamly Nongjop Suchen, u Publicity Secretary KSU East Jaiñtia Hills District Unit, u samla Hamewanpynhun Ryngkhlem bad ki dkhot ka KSU na East Jaiñtia Hills District.
