Shillong, Nohprah 07: U Additional Deputy Commissioner (Supply) i/c SDO Sohra Civil Sub Division u Bah M. A. Challam, MCS u la pynbna ïa ka hukum kaba long katkum ka Supreme Court Order, ha kaba baroh kiba ïoh jingmyntoi hapoh ka NFSA ba kidei ban pyndep ïa ka eKYC process.
Namar kata, la kyntu ïa baroh kiba ïoh myntoi kiba hab hapoh ka Sohra Civil Sub- Divison ba ki dei ban leit jngoh ïa ki FPS centre jong ki naduh ka 10 tarik mynta u bnai haduh ka 15 tarik mynta u bnai 2025 na ka bynta ba kin pyndep ïa la ki kam kiba kongsan kumba la bthah ha ka hukum.
