Shillong Nohprah 06: Ka khubor ba la ïoh na ki pulit la ïathuh ba ka Kong Nibel Manar ka la phah ka jingujor ba uwei uba kyrteng u Rimio Manar, u la tuh napoh ka ïing jong ka kaba ha Shnong Dkhiah East (EJH) bad ïa kane u la leh bunsien bad u la byrngem ïa ka bad ïa ki dkhot ka ïing ban pynshitom ïa ki da kaba tyngeh.
Ha kawei pat ka jingjia ka Abida M Marak ka la phah ka jingujor ba ha ka 19 tarik mynta u bnai ha ka por 10 baje mynstep, uwei u briew u la kawang maw ïa ka, bad u la pyrshang ban ktah kti ïa ka bad u la shoh ruh ïa uwei u security guard hajan office DM&HO, Tura (WGH). Kham hadien pat na ka liang ki security guard jong ka ophis ki la ïoh ban bat ïa u tei uba la shah kynnoh.
Shuh shuh uwei u nongshong shnong ka shnong ha Tura (WGH) u la phah ka jingujor ba ha ka 17 tarik mynta u bnai ha ka por 5 baje janmied, uwei u runar bym lah ban ithuh u la thok ïa u ka pisa kumba T. 51,000/- da ka online.
