Shillong, Nohprah 03: U nongïalam ka Trinamool Congress (TMC) bad u Myntri Rangbah barim u Mukul Sangma u la ong ba ka jingïadei paralok hapdeng u Conrad Sangma u President ka National People’s Party (NPP) bad Pradyot Bikram Manikya Deb Barma’s party TIPRA Motha kam dei shuh kaba thymmai bad kin bteng ban ïatreilang.
Haba kynthoh ïa ka jingkylli halor ka jingtyrwa ïa ka North East front, u Sangma u la ong, “Kam dei shuh ka kam kaba thymmai, u Conrad Sangma bad Pradyot ki la dep donlang. Ki la ïadonlang bad nga tip ba kin ïai donlang.”
U la bynrap ba ki sngi ban wan kin paw ïa kiba bun ki kam baphylla, da kaba ïathuh ïa ki jingkynriah jong ki kam saiñ pyrthei ha kane ka thaiñ.
“Kumta kin don ha la ki jong ki jaka, kumba nga la ong ba kin sa don bun kiba treilaitluid bad ki sngi ban wan kin sa kren dalade, phin sa ïohi dalade, kumta aiba ki shimpriah jong phi kin cross phin sa ïohi ïa ki jingkylla ha ka saiñ pyrthei ha ki snem ban wan.”
U Sangma u la kynnoh ïa ka Meghalaya Democratic Alliance (MDA) ba ka la pynïeng da ka BJP bad kam ba ki ïatreilang. “Ïa kane ka sorkar la pynïeng da ka BJP, kumta ki don bynta bad ka BJP, ki ïadonlang,” u la ong da kaba ai jingmut ba ki jingkylli jong ki ban pynjngai ïalade na ka BJP dei ban bthah ïa ki.
Haba ïadei bad ka jingshah khot sngewbha ban pynïasoh bad ka North East Front, u Sangma u la ong, “Kumba long haduh mynta te em, nga shu ïohsngew ba ki la ïakren kan long ruh kum ka jingpynlut kai ïa ka por jong ki.”
