Jowai, Nohprah 01: Ka kynhun ïalehkai jong ka Rymbai Shkenshynriah Sports Club kala ïoh ban rung sha ka Final jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid daka East Jaiñtia Hills District Football Association (EJHDFA) ha madan Artificial Turf, Diengshynrum, Khliehriat.
Haba phai sha ka jingïakhun Semi Final jong ka Qualifier 2 mynta ka sngi ka R.Shkenshynriah SC kala jop da 2-0 kol ïaka Diengshynrum SC, ïa kitei ki ar kol la thep da u Ribiang Dkhar haka minit ba 43 bad u Raplangki Lyngdoh haka minit ba 90+5.
Ïa ka nam Player of the Match la ïoh rah da u Raplangki Lyngdoh na ka R.Shkenshynriah SC uba lah ban ïalehkai bha ha kane ka jingïakhun mynta ka sngi.
La pyntip ba ka jingïakhun Final ban knieh ïaka nam lahduh jong kane ka lympung kan long haka 6 tarik u Nohprah, 2025 haka por 1 baje janmiet hapdeng ka Sutnga SSCC pyrshah ïaka R.Shkenshynriah SC. Ha kaba yn wan ban pynhap pyrda da u ma Wailadmiki Shylla uba dei ruh u myntri ka kam ïalehkai Sports ka sorkar jylla.
