ïa shim bynta shitrhem ki samla Khasi ha ka Hynñiewtrep Cultural Meet 2025 ha Bengaluru

Shillong, Naiwieng 30: Ka 29 tarik u Naiwieng 2025 kan long ka sngi sah kynmaw ha kaba ki Samla Khasi kiba pule bad kiba shong trei ha Nongbah Bengaluru ki la shim bynta shitrhem ban pynphuh pynphieng ïa ka Hynniewtrep Cultural Meet 2025 ha kaba da ki Spah ngut naduh ki Samla Pule, ha kane ka sngi la wan ban iashmbynta kiba trei bad kiba sah ha Nongbah Bengaluru ki la ïa wan ia shim bynta shitrhem ha St Paul College, Bengaluru.
Ha kane ka Sngi u Bah Paul Lyngdoh (Nongaibuit ïa ka Sorkar Jylla) U la long u Kongsan bad U Samla Pynkmenlang Sanmiet (Education Secretary KSU CEC) U la long kum u Symbud Kongsan, la don ryngkat lang ruh ha kane ka sngi u Samla Jame Hitler Mawphniang Legal Affairs Secretary KSU, I Pastor A.S Nongrum (Pastor Khasi Jaiñtia Christian Fellowship), Bah Meban Plielad Shadap (Adviser KSU Bengaluru Unit), Rev Fr.Dr Thomas (Principal, St Paul College, Bengaluru)
Ha kane ka Sngi la ïoh ban pynskhem ruh ïa ki Nongkitkam ba thymmai ka KSU Bengaluru Unit bad KSU Mangaluru Unit da u Samla Pynkmenlang Sanmiet-Education Secretary KSU Sengkmie.Ka Phangpdeng jong kane ka Hynñiewtrep Cultural Meet 2025-“Sarong ïa la ka Thymmei.”