Shillong, Naitung 5 : ïa u Deputy CEM ba rim ka Garo Hills Autonomous District Council (GHADC) u Wenison Ch Marak la thung ba un long kum u nogai buit jong une u Chief Executive Member (CEM) ba mynta u Albinush R Marak.
Kat kum ka jingpynbna la pyntip ba u Winison un ai jingmut ïa u CEM ha baroh ki jingtreikam kata lada u Albinush u kwah ban ïamir ne twad jingmut na u.
Ka EC kan sa shong ban rai katno kin siew ïa une u nongaibuit jong u CEM. Nalor kata un lah ruh ban shong ha ki jingïalang jongka Executive Committee ka GHADC.
