Shillong, Naiwieng 27: Ka Sorkar jylla ka la shim ïa ka rai ban kyntiew ïa ka jingthung kam kaba khuid ba suba ha kaba ïa kane ka kam la aiti ban pynlong da ka district selection committee (DSC) jong ka East Jaiñtia Hills.
Ïa kane ka rai la shim ha ka jingïalang ba la pynlong da ki bor pynïaid district ha ka jingïadonlang ki MLA na ki 2 tylli ki constituency jong ka thaiñ ba kynthup ïa u Bah Kyrmen Shylla (Khliehriat) bad ka Santa Mary Shylla (Sutnga-Saipung) ha ka sngi Palei.
Ha kane ka sngi la donlang ki dkhot ka DSC, ki principal jong ki skul, ki nongmihkhmat jong ka aiñ bad kiwei kiwei ki nongmihkhmat.
La don ruh ka jingai ïa ka shithi ba la aiti da R Siangshai bad Advocate K Ksoo ha kaba ki la pynpaw ïa kiba bun ki kam kiba ïadei bad ki jingeh jong ki paidbah.
Ha ka jingïasyllok ka committee ka la shim ïa ka rai ban wanrah ïa ka jingtreikam kaba khuid ba suba ne ka cut-off marks hadien ba la pynbna ïa ka final result. La ong ruh ba ïa ka ratio jong ki kyrtong ba buh ha ka thup jong ka personal interview kaba dei ban neh 1:2.
