Shillong, Naiwieng, 26: Ka Sorkar Jylla ka la mynjur ban thied ïa ka jaka na ka bynta ban shna ïa ka ophis treikam jong ka Sorkar ha North Garo Hills District, da kaba pyndonkam ïa ka pisa kaba la mang ha u snem 2016-17.
Hadien ba u Myntri Rangbah ka jylla u Conrad K Sangma u la pynïaid ïa ka jingïalang jong ka Kynhun Myntri ha ka sngi Balang, u la ïathuh ba ki bor synshar district ki la wad bad thied ïa ka jaka da kaba pyndonkam ïa ka pisa kaba T. 5 klur kaba la mang na ka bynta ban thied jaka, kaba la sahkut ha u Deputy Commissioner naduh katei ka por.
“Kane ka dei ka jingtyrwa kaba la rim bad mynta ngi la ai jingmynjur ban ïaid shakhmat bad ka jingthied jaka,” la ong u Sangma bad bynrap ba ïa ka jaka yn pyndonkam na ka bynta shna ïa ka ïing sorkar hapoh ka District.
