Jowai, Naiwieng 25: Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 25 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Chutwakhu kala pynliem da 2-1 kol ïa ka Sohmynting, ïa kitei ki ar kol na ka Chutwakhu la thep da u Gladio Susngi haka minit ba 20 bad u Wanrilang Lamare haka minit ba 65. Katba ïa ka shikol na ka Sohmynting la thep da u Dawansuni Suting haka minit ba 3.
