Jowai, Naiwieng 20: Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long hynne ka sngi Palei, ka 20 tarik Naiwieng, 2025, ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Khimusniang kala lah ban pynliem noh da 2-1 kol ïa ka Demthring.
Ka Khimusniang ka la hap ban wanphai nadien ban jop ïa kane ka jingïakhun da kaba thep kol ha ka minit ba 87 lyngba u Dashngain Sukhlain bad u Alwin Dkhar haka minit ba 90+4 hadien ba ka Demthring ka la thep nyngkong lyngba u Mebakynsai Pale (78’).
