Jowai, Naiwieng 19: Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long hynne ka sngi 19 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Ladthadlaboh kala pynliem da 2-0 kol ïaka Sohmynting, ïa kitei ki kol na ka Ladthadlaboh la thep da u Sanki Langstang haka minit ba 32 bad u Lammida o Dkhar haka minit ba 88.
