Jowai, Naiwieng 18: Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 18 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun hapdeng ka 7-Wasa United pyrshah ïa ka Nangbah Mulang kila poi sha ka jingïakhaid da mar shikol (1-1). Ïa ka kol na ka 7-Wasa United la thep da u Arwanki Rymbai haka minit ba 31. Katba ïa ka shikol na ka Nangbah Mulang la thep da u Shanhok Siangshai haka minit ba 90+8.
