Shillong, Naiwieng 17: U Myntri Rangbah ka jylla u Conrad K Sangma ha ka sngi Nyngkong u la ong ba ka sorkar jylla kan mang T. 50 klur sha ka Airport Authority of India ba kan sdang ïa ka kam ha Jengjal airport.
“Ngi la dep ban aiti ïa ka Jengjal Airport sha ka Airport Authority of India ha une usnem bad ki la aiti ia ka jingmang pisa kaba donkam kaba long T. 50 klur sha ka sorkar jylla. Nga kmen ban pynbna hangne ba hapoh une u bnai ka sorkar kan sa mang T. 50 klur sha ka Airport Authority of India khnang ba kin lah ban sdang noh ia ki kam ha Jengjal Airport,” ong u Sangma haba kren ha ka prokram plie ïa ka Jengjal police station building.
U la ïathuh ba da ka jingpyndep ia kane ka kad liengsuiñ, ki liengsuin kiba lah ban shong haduh 19 ngut jong ka Air Alliance kin sa sdang ban treikam na kane ka Jengjal Airport haba sdang kaba dei na Shillong-Tura flights.
U Myntri Rangbah u la ong ruh ba ka sorkar ka dang wad ia ka jaka ha Jengjal na ka bynta ban ioh ban pynlong ia kane ka prokram kaba heh.
