Bajop bun ka NDA ha Bihar, “Khlem pep ha u 2028 phin ïohi ka jingkyndit ha Meghalaya,” ong ka BJP

Shillong, Naiwieng 14: Haba kynthoh ïa ka jingïoh ka jingjop ïa ka elekshon MLA da sorkar NDA ha jylla Bihar, U State President ka BJP u Rikman G?Momin u la batai ba kane ka jingmih ka la long kaba kmen bad phylla bad pynpaw ka jingkmen ba ka BJP ka long ma ka tang kawei ka party kaba jop bun hapoh kane ka jingïatreilang.
Haba kren sha ki lad pathai khubor ha ka sngi Thohdieng, u Momin u la pynbna, “Ha u snem 2028, ngin sa ai shaphi ki jingmih kiba pynkyndit ruh ha Meghalaya.”
Haba kylli shaphang ka jinglah jong ka jingkiew ka party ha ka jingïoh jingjop bun seat kumba ka long mynta, u la pynskhem, “Khlem pep ba u LK Advani bad u Atal Bihari Vajpayeeji ki la jop tang arngut ha ka snem 1984, kumta ruh kaba shai kan paw ruh ha u snem 2028, ngi don tang 2 ngut ki MLA, ngi lah ban nangkiew bad khlem pep phin sa ïohi ïa ka jingkiew.”
“Khem pep ngin ïoh ka jingdon ki MLA kaba arshah ha u snem 2028 ha Meghalaya,” bynrap u Momin.
Haba ïadei bad ki jingpynkhreh na ka bynta ka elekshon ha Garo Hills Autonomous District Council (GHADC), u Momin u la ong ba ka party ka la trei shitom bad ka la khmih ruh ban peit ïa ka jingïaleh ban ïoh khambun ki seat MDC.
Haba kynthoh ïa ka seng pyrshah, u la ong, “Ka la pynishai ha ka elekshon jong ka Bihar ba ka Congress ka khlem poi shano shano ruh, ki lah ban ïoh tang 3, bad ki la ïoh tang uwei u nombar.”