Ïashim bynta u Lamphang ha ka jingïalang Commonwealth Parliamentary Association (CPA)

Shillong, Naiwieng 10: U Lamphang ka Ïingdorbar thaw aiñ ka jylla u Thomas A Sangma u la ong ba ka kam jong ka Ïingdorbar kam dei tang ban thaw ïa ki aiñ hynrei kadei ruh ka jingshna kaba don jingmut bha ha ka ri baroh kawei.
Ïa kane u la ong ha ka jingïalang ka 22nd Annual Conference jong ka Commonwealth Parliamentary Association (CPA), India Region Zone-III, ba la pynlong da ka Nagaland Legislative Assembly ha Kohima naduh ka 9 tarik mynta u bnai haduh ka 13 tarik.
U Thomas A Sangma bad u Deputy Speaker Limison D Sangma ki la leit ban ïashim bynta ha kane ka jingïalang, kaba pynleit jingmut ban pynkhlaiñ ïa ka kam riti synshar khaddar jong ka ri da kaba pynleit jingmut bha bad kane ka thaiñ shatei lammihngi jong ka ri.
Na ka liang jong u Lamphang u la ong, “Lyngba kane ka jingïalang kan ïarap ban pynwandur ïa ka kam thaw aiñ lyngba ki kam bapher bapher bad ki jingthaw aiñ ha ka ri.”
U la ong ruh ba ka long kaba kongsan bha jong ka jingtreikam jong kane ka ïing kaba pynthikna ïa ka jingkheiñ kaba khuid bad kaba wanrah ka jingïadei bad ki paidbah. U la ong ruh ba lyngba ki jingkylli, ki jingïasyllok bad ki rai ha ki Committee, ka la pynlong ïa ka kam thaw aiñ kaba ïaid beit ïaid ryntih.
Ïa kane ka jingïalang la plie da u Lamphang ka Ïing Dorbar ka ri u Om Birla, uba la ong ba kane ka thaiñ shatei lammihngi ka dei kaba riewspah ha ka riti dustur.
Na ka liang Myntri Rangbah ka jylla Nagaland u Neiphiu Rio haba kren u la pynthikna ïa ka jingïeng skhem jong ka kam thaw aiñ ha ka ri.
Na ka liang Deputy Chairman ka Rajya Sabha Harivansh, la banjur halor ka jingshim khia ka sorkar pdeng ha kaba ïadei bad ka jingpynneh ïa ki riti dustur ha ka ri.