Shillong, Naiwieng 05: Ka Na Rympei Football Academy, Pay For Right Football Academy bad ka Jakrem SC ki la pynskhem ïa ka jaka ha ka semifinal jong ka Meghalaya Women’s State League ba nyngkong eh jong u snem 2025 da kaba jop ïa la ki jong ki jong ki jingïalehkai Quaterfinal ba la long ha ka sngi Balang ha SSA Stadium, Polo.
Ka kynhun kaba saw ha ka semi, ka Laitkor SC (jong ka Shillong Sports Association) ka la jop ïa ka jingïalehkai Quarterfinal hynnin ka sngi Ba-ar da 10-1 pyrshah ïa ka Mawten SC (Mawkyrwat District Sports Association).
Ka Na Rympei (jong ka Ri-Bhoi DSA) ka la jop da 8-1 kol pyrshah ïa ka Bright Future SSCC (jong ka Pyndengumiong DSA), katba ka Jakrem (Mawkyrwat DSA) ka la pynliem noh da 4-1 kol ïa ka Diengshynrum SC (jong ka East Jaintia Hills District Football Association).
Hynrei ka jingïakhun Quarter final kaba ïa ryngkat bor kadei hapdeng ka PFR (jong ka Shillong SA) pyrshah ïa ka Mawlum Tyrsad SC (jong ka Tyrsad Area SA), ha kaba ka PFR ka la jop da ka said da 3-2 kol ha ka extra time.
Baroh arliang ki long kiba ïabiang bor bad ka la shimpor haduh ka minit kaba 75 shuwa ba ka Lisha Khongsit kan pynkhihjar na ka bynta ka Mawlum Tyrsad, kaba dei ka nongjop jong ka Group B. Hynrei tang hadien shiphew minit duna, ka Ridalin Suting (84’), kaba la khur syndon ïa ka nam Player of the Match ha kaba kut, ka la ïoh ban pynïakhaid na ka bynta ka kynhun PFR, ka kynhun kaba wan ba-ar ha ka Group A.
Kane ka la pynbor ïa ka jingïalehkai ban jam sha ka extra time ha kaba ka Nisilia Majaw (98’) ka la buh hakhmat ïa ka PFR ha shuwa ba ka Balawanbiang Khongsit (105’) kan pynïakhaid ïa ka Mawlum Tyrsad. Hynrei ka kol kaba khatduh jong ka Ridalin (111’) ka la paw kum ka namtam kaba la pynthikna ïa ka PFR ban ïoh jaka ha ka semi final.
Shuwa kane, ka Pynhun Shulet (3′, 28′, 46′, 50′, 72′, 90’+2) ka la thep hat trick ar sien ha ka jingjop jong ka Na Rympei ïa ka Bright Future. Ki ar tylli kiwei pat ki kol la thep da ka Streamlet Taro (9′) bad ka Tracy Rympei (78′), katba ka Blessiful Thongni (68′) ka la pynphai shi kol na ka bynta ka Bright Future. Baroh ar ka Na Rympei bad ka Bright Future ki la pyndep ha ka kyrdan ba lai ha ka Group A bad Group B.
Khatduh eh, ka Jakrem, kaba wan ba-ar ha ka Group B, ka la pynliem noh da 4-1 kol ïa ka Diengshynrum, kaba la jop ha ka Group C. Ka Jakrem ka la lamkhmat da 3-0 tang ha ka kylla step lyngba ki kol jong ka Sunalinda Iawren (4′), Iaphisha Marbaniang (12′) bad ka Bahunlang Synrem (32′). Ka Charlinda Nongtdu ka la ïoh ban pynphai kawei na ka bynta ka Diengshynrum ha ka minit kaba 72 hynrei ka Catherine Kharkongor (83′) ka la pynkhih ïa ka kol kaba saw ban pynskhem ïa ka jingjop na ka bynta ka Jakrem.
Baroh ar tylli ki jingïakhun semifinal kin long ha ka sngi Saitjaiñ ha ka por 10 baje mynstep. Ka Laitkor kan ïakhun pyrshah ïa ka Jakrem ha SSA Stadium, katba ka Na Rympei kan aireng pyrshah ïa ka PFR ha Sports Authority of India (SAI) ha NEHU.
Shillong, Naiwieng 05: Ka Na Rympei Football Academy, Pay For Right Football Academy bad ka Jakrem SC ki la pynskhem ïa ka jaka ha ka semifinal jong ka Meghalaya Women’s State League ba nyngkong eh jong u snem 2025 da kaba jop ïa la ki jong ki jong ki jingïalehkai Quaterfinal ba la long ha ka sngi Balang ha SSA Stadium, Polo.
Ka kynhun kaba saw ha ka semi, ka Laitkor SC (jong ka Shillong Sports Association) ka la jop ïa ka jingïalehkai Quarterfinal hynnin ka sngi Ba-ar da 10-1 pyrshah ïa ka Mawten SC (Mawkyrwat District Sports Association).
Ka Na Rympei (jong ka Ri-Bhoi DSA) ka la jop da 8-1 kol pyrshah ïa ka Bright Future SSCC (jong ka Pyndengumiong DSA), katba ka Jakrem (Mawkyrwat DSA) ka la pynliem noh da 4-1 kol ïa ka Diengshynrum SC (jong ka East Jaintia Hills District Football Association).
Hynrei ka jingïakhun Quarter final kaba ïa ryngkat bor kadei hapdeng ka PFR (jong ka Shillong SA) pyrshah ïa ka Mawlum Tyrsad SC (jong ka Tyrsad Area SA), ha kaba ka PFR ka la jop da ka said da 3-2 kol ha ka extra time.
Baroh arliang ki long kiba ïabiang bor bad ka la shimpor haduh ka minit kaba 75 shuwa ba ka Lisha Khongsit kan pynkhihjar na ka bynta ka Mawlum Tyrsad, kaba dei ka nongjop jong ka Group B. Hynrei tang hadien shiphew minit duna, ka Ridalin Suting (84’), kaba la khur syndon ïa ka nam Player of the Match ha kaba kut, ka la ïoh ban pynïakhaid na ka bynta ka kynhun PFR, ka kynhun kaba la wan kyrdan ba-ar ha ka Group A.
Kane ka la pynbor ïa ka jingïalehkai ban jam sha ka extra time ha kaba ka Nisilia Majaw (98’) ka la buh hakhmat ïa ka PFR ha shuwa ba ka Balawanbiang Khongsit (105’) kan pynïakhaid ïa ka Mawlum Tyrsad. Hynrei ka kol kaba khatduh jong ka Ridalin (111’) ka la paw kum ka namtam kaba la pynthikna ïa ka PFR ban ïoh jaka ha ka semi final.
Shuwa kane, ka Pynhun Shulet (3′, 28′, 46′, 50′, 72′, 90’+2) ka la thep hat trick ar sien ha ka jingjop jong ka Na Rympei ïa ka Bright Future. Ki ar tylli kiwei pat ki kol la thep da ka Streamlet Taro (9′) bad ka Tracy Rympei (78′), katba ka Blessiful Thongni (68′) ka la pynphai shi kol na ka bynta ka Bright Future. Baroh ar ka Na Rympei bad ka Bright Future ki la pyndep ha ka kyrdan ba lai ha ka Group A bad Group B.
Khatduh eh, ka Jakrem, kaba wan ba-ar ha ka Group B, ka la pynliem noh da 4-1 kol ïa ka Diengshynrum, kaba la jop ha ka Group C. Ka Jakrem ka la lamkhmat da 3-0 tang ha ka kylla step lyngba ki kol jong ka Sunalinda Iawren (4′), Iaphisha Marbaniang (12′) bad ka Bahunlang Synrem (32′). Ka Charlinda Nongtdu ka la ïoh ban pynphai kawei na ka bynta ka Diengshynrum ha ka minit kaba 72 hynrei ka Catherine Kharkongor (83′) ka la pynkhih ïa ka kol kaba saw ban pynskhem ïa ka jingjop na ka bynta ka Jakrem.
La pyntip ba baroh ar tylli ki jingïakhun Semifinal yn pynlong ha ka sngi Saitjaiñ ha ka por 10 baje mynstep. Ka Laitkor kan ïakhun pyrshah ïa ka Jakrem ha madan First Ground-SSA Stadium, katba ka Na Rympei kan aireng pyrshah ïa ka PFR ha Sports Authority of India (SAI) ha NEHU, Shillong.
