Nongstoiñ, Risaw 25: Ka Office jong U District Transport Officer West Khasi Hills, Nongstoiñ ryngkat ka jingïatreilang bad ka Office jong U Deputy Commissioner Superintendent of Police, Executive Engineer PWD (R) West Khasi Hills, Nongstoiñ kum shibynta ka jingrakhe ïa ka 36th National Road Safety Week 2025, ka la pynlong ïa ka Awareness Programme ha kaba ïadei bad ka Road Safety ha ïew Rambrai.
Ka jingthmu jong kane ka prokram ka long pynsngewthuh sha ki nongnïah kali, halor ki kyndon jong ka Motor Vehicle Act & Rules, Motor Vehicles Amendment Acts 2019 ki aiñ ki kanun bad ki kuna bapher bapher lada pynkheiñ ïa ki, khamtam eh ha kine ki sngi ba la sakhi ïa ka jingjia aksiden khah khah hapoh ka Jylla kaba la shim ïa shibun ki mynsiem briew, kumta ka donkam ïa ka jingphikir jong baroh ki nongñiah.
Nangta la don ruh ka jingpynshai ïa ki Road Sign n aka tnat PWD, ka tnad pulit ka la kren bad batai bniah shaphang ki Traffic Rules bad ki lad ban ïada na ki jingjia aksiden.
Ha kane ka sngi la ïadon bynta lang ruh da u Rangbah Shnong ka Rambrai, ka Taxhi Association Rambrai Unit, Maxi Cab Association Rambrai Unit bad la ïoh ruh ban sam ïa ki kot lyngkdop bad ki dak ki shin ki jingkdew ha ki Surok.
