Ha kane ki aiom syaid lane por shit, ka dawa ïa ki jingdih kiba wallam ka jingpyngngad jong ka met bad ki don bun napdeng kine ki jingdih kiba phi lah ban jied. Ka umsohjew ka dei kaba lah ban pynneh ka jingdon um ha ka met bad ka dei ruh kaba lah ban pynbiang halor ka jingpynrung ka Vitamin C. Kaba ba biang eh ka jingpynhreh ban dih ka long, shiklat ka um bad khem khyndiat ka umsohjew bad ber khyndiat ka mluh ïong. Ka umsohjew ka dei kaba duna ka calorie, kaba tei ka bor met kaba phi lah ban dih manla ka sngi hynrei phi lah ban dih lada ka met jongphi ka ïahap.
Ka jingmyntoi ka koit ka khiah na ka umsohjew: Phi lah ban dih khlem da don kano kano ka jingartatien. Ka umsohjew ka don tang kumba 5 calorie. Ka um kam don calorie satia. Ka umsohjew ka lah ban pynduna ka jingkhia bad jingsngaid. Ka umsohjew ka dei kaba lah ban treikam borbah ban tei ka bor met. Ka don ka vitamin C bad kiwei de ki nutrient kiba lah ban ai jingïada ïa ka met.
Ka acid kaba don ha u sohjew ka ai jingmyntoi na ka bynta ka kpoh. Ka umsohjew ka ïarap ruh halor ka jingtylliat bha ka ’nirbah ïa ki jingbam.
Shiklat ka um bad khyndiat ka umsohjew ka lah ban shalan khyndiat ka potassium bad ka pynlong ka mineral kaba kongsan na ka bynta ka koit ka khiah u klongsnam, ki khyllai, ki dohksah bad jingkhih jingksad ki thied. Kane ka shong ruh ha ka jinglong ka met shimet shimet.
Ki don pat ki briew kiba ym ïahap satia ka jingdih umsohjew. Ka dei kaba lah ban pynjur ka jingdon ka acid bad wallam ka jingthut halor ka jingtylliat bha ka nirbah ïa ka jingbam. Shipela haduh lai pela shisngi ka jingdih um sohjew ka dei kaba la biang na ka bynta ka jingmyntoi halor ka koit ka khiah. Hynrei lada dih palat ka lah ban ktah na ka bynta ki bniat namar ka umsohjew ka dei kaba don ka acid.
